Monday, December 11, 2023
0 °C Hyderabad.
.png "facebookicon")
.png "twittericon")
.png "instagramicon")
.png "youtubeicon")
ALOE VERA BENEFITS | మారుతన్న ఆహారపు అలవాట్లు, వాతావరణ కాలుష్యం కారణంగా జుట్టు రాలే సమస్య ఎక్కువగానే ఉంటోంది. ఎన్ని రకాల మందులు వాడిన కూడా పెద్దగా ప్రయోజనం కనిపించడం లేదు. జుట్టు కుదుళ్లకు పోషకాలు సరిగ్గా అందక అవి బలహీనపడి జుట్టు ఎక్కువగా రాలిపోతూ ఉంటుంది. జుట్టును రాలడాన్ని తగ్గించుకోవడానికి మనలో చాలా మంది బయట మార్కెట్ లో లభించే నూనెలను, యాంటీ హెయిర్ ఫాల్ షాంపులను వాడుతూ ఉంటారు. వీటిని వాడడం వల్ల ఎటువంటి ఫలితం లేక తీవ్ర నిరాశకు గురి అవుతూ ఉంటారు.
జుట్టు రాలే సమస్యతో బాధపడుతున్న వారు కలబందను వాడితే ఆ సమస్యల నుంచి బయటపడవచ్చు.. అదేలానో ఇప్పుడు తెలుసుకుందాం. ముందుగా ఒక గిన్నెలో నూనె తీసుకొని, దాన్ని వేడి చెయ్యాలి.. ఆ తర్వాత రెండు టేబుల్ స్పూన్ల కలబంద గుజ్జును తీసుకొని బాగా కలపాలి. ఇలా తయారు చేసుకున్న నూనెన రాత్రి పడుకునే ముందు జుట్టుకు బాగా పట్టించాలి. నూనె కుదుపుళ్లల్లోకి ఇంకేలా మర్దనా చేయాలి. దీనిని రాత్రంతా అలాగే ఉంచి ఉదయాన్నే షాంపుతో తలస్నానం చేయాలి. ఇలా చేయడం వల్ల జుట్టు రాలడం క్రమంగా తగ్గుతుంది.
అంతే కాదు కలబంద గుజ్జును నేరుగా జుట్టుకు రాయడం వల్ల కూడా మంచి ఫలితం ఉంటుంది.. అయితే, జుట్టును చిక్కులు లేకుండా బాగా దువ్వాలి. తరువాత కలబంద గుజ్జును నేరుగా జుట్టుకుదుళ్లపై రాసి మర్దనా చేయాలి. ఒక గంట తరువాత షాంపుతో జుట్టును శుభ్రం చేసుకోవాలి. ఇలా చేయడం వల్ల జుట్టు కుదుళ్లు బలపడి జుట్టు రాలడం తగ్గుతుంది. కలబందతో జుట్టు ఒత్తుగా, అందంగా మెరుస్తూ ఉంటుంది. అలానే చుండ్రు సమస్యలు కూడా తగ్గిపోతాయి.
