CHICKEN FRY | ఇలా చేశారో.. ఇంట్లో లొట్టలేసుకుంటూ తింటారు

CHICKEN FRY  |   తెలుగు వారు చికెన్‌ని చాలా ఇష్టంగా తింటారు. దాంతో ఇంట్లోని మహిళలు చికెన్‌తో రకరకాల వంటలను తయారు చేస్తుంటారు. ఒక్కొక్కరు ఒక్కో విధంగా ట్రై చేస్తారు.. వాటిలో చికెన్ వేపుడు కూడా ఒకటి. CHICKEN FRY   చాలా రుచిగా ఉంటుంది. అలాగే మనం వివిధ రుచుల్లో ఈ చికెన్ వేపుడును తయారు చేస్తూ ఉంటాము. చికెన్ ఫ్రై తిని తిని బోర్ కొట్టకుండా ఉండాలంటే దీనిని ఒక్కోసారి ఒక్కో పద్దతిలో తయారు చేస్తూ ఉండాలి.. చాలా రుచిగా ఉండేలా చికెన్ ఫ్రై ఎలా తయారు చేసుకోవాలో ఇప్పుడు చూద్దాం.

కావల్సిన పదార్థాలు ఏంటంటే…

నూనె – 4 టేబుల్ స్పూన్స్, తరిగిన కొత్తిమీర – కొద్దిగా, చికెన్ – అరకిలో, పెరుగు – 4 లేదా 5 టేబుల్ స్పూన్స్, పసుపు – అర టీ స్పూన్, ధనియాల పొడి -ఒక టీ స్పూన్, కాశ్మీరి చిల్లీ కారం – 2 టేబుల్ స్పూన్స్, మిరియాల పొడి – అర టీ స్పూన్, గరం మసాలా – ఒక టీ స్పూన్, చాట్ మసాలా – అర టీ స్పూన్, టమాట కిచప్ – 3 టేబుల్ స్పూన్స్, అల్లం వెల్లుల్లి పేస్ట్ – ఒక టేబుల్ స్పూన్, ఉప్పు – తగినంత, తరిగిన కరివేపాకు – ఒక రెమ్మ, తరిగిన కొత్తిమీర – కొద్దిగా,
చిన్నగా తరిగిన పచ్చిమమిర్చి – 3, నిమ్మకాయ – 1

ఇవన్నీ సిద్ధంగా ఉంచుకున్న తర్వాత ముందుగా చికెన్ ను ఒకటికి రెండు సార్లు బాగా కడిగి పక్కన పెట్టుకోవాలి.. ఆ తర్వాత ఒక గిన్నె తీసుకొని పెరుగును తీసుకోవాలి. తరువాత అందులో చికెన్ తప్ప మిగిలిన పదార్థాలన్ని వేసి కలపాలి. తరువాత చికెన్ ను వేసి కలపాలి. దీనిని అంతా కలిసేలా కలుపుకున్న తరువాత మూత పెట్టి 3 గంటల పాటు అలానే ఉంచాలి. అంత సమయం లేని వారు కనీసం ఒక గంట పాటైనా ఉంచాలి.

ఇలా చికెన్ ను మ్యారినేట్ చేసుకున్న తరువాత కళాయిలో నూనె వేసి వేడి చేయాలి. నూనె వేడయ్యాక మ్యారినేట్ చేసుకున్న చికెన్ ను వేసి కలపాలి. దీన్ని ఒక ఐదు నిమిషాలు బాగా వేగనివ్వాలి..ఆ తర్వాత మంటను తగ్గించి ఫ్రై అయ్యేవరకు చిన్నగా కలపాలి.. చివరగా కొత్తిమీర వేసుకొని స్టవ్ ఆఫ్ చేసుకోవాలి. ఇలా చేయడం వల్ల ఎంతో రుచిగా ఉండే చికెన్ ఫ్రై రెడీ అయిపోయినట్లే.