Friday, December 8, 2023
20 °C Hyderabad.
.png "facebookicon")
.png "twittericon")
.png "instagramicon")
.png "youtubeicon")
TEENMAAR MALLANNA | తెలంగాణ ఎన్నికల్లో కాంగ్రెస్ వ్యూహం ఎవరికీ అర్థం కావడం లేదు. అధికార బీఆర్ఎస్ పార్టీ కూడా కాంగ్రెస్ వ్యూహాలను పసిగట్టలేకపోతోంది. ఒకవైపు ఇతర పార్టీలకు చెందిన ప్రముఖ నాయకులు వరుసగా కాంగ్రెస్‌లో చేరుతుండగా, మరోవైపు ప్రజలు కాంగ్రెస్ వైపు మొగ్గు చూపుతుండడంతో బీఆర్‌ఎస్‌కు కంటిమీద కునుకులేకుండా పోతోంది. గత కొంతకాలంగా కేసీఆర్ ప్రభుత్వంపై నిప్పులు చెరుగుతున్న ఇమ్లి నవీన్ అలియాస్ తీన్మార్ మల్లన్న కాంగ్రెస్ పార్టీలో చేరారు. ఏఐసీసీ తెలంగాణ ఇన్‌ఛార్జ్‌ మాణిక్‌రావు ఠాక్రే, టీపీసీసీ వర్కింగ్‌ ప్రెసిడెంట్‌ బొమ్మ మహేశ్‌కుమార్‌లు ఆయనని పార్టీలోకి ఆహ్వానించారు.
తీన్మార్ మల్లన్న కూడా మేడ్చల్ నుంచి పోటీ చేస్తారని అప్పట్లో వార్తలు వచ్చాయి. ఆయన కొత్త పార్టీ పెట్టనున్నారనే వార్తలు కూడా వస్తున్నాయి. కానీ.. కేసీఆర్‌ను ఓడించే సత్తా కాంగ్రెస్‌కు మాత్రమే ఉందని భావించిన తీన్మార్ మల్లన్న కాంగ్రెస్‌లో చేరారు. ఇప్పటికే ఆయన బీజేపీలో చేరి పార్టీకి రాజీనామా చేశారు. అయితే.. తీన్మార్ మల్లన్నకి ఎమ్మెల్యే టికెట్ ఇస్తారా? లేదంటే మరో పదవి ఇస్తారా? అనేది తేలాల్సి ఉంది.
ఈసారి ఎమ్మెల్యే టికెట్ కాకుండా తీన్మార్ మల్లన్నను ఎన్నికల ప్రచారానికి ఉపయోగించుకోవాలని, పార్టీని గెలిపించిన తర్వాత ఏదో ఒక పదవి ఇవ్వాలని కాంగ్రెస్ అధిష్టానం ఆలోచిస్తోంది. మరి..దీనికి తీన్మార్ మల్లన్న ఒప్పుకుంటాడో లేదో వేచి చూడాలి. అయితే సోషల్ మీడియాలో మంచి ఫాలోయింగ్ ఉన్న మల్లన్న ఎన్నికల సమయంలో కాంగ్రెస్ పార్టీలో చేరటం హస్తానికి ప్లస్ అయిందని రాజకీయ విశ్లేషకులు అంటున్నారు. బీఆర్‌ఎస్‌పై మల్లన్న విమర్శలకి ఇక మరింత పదును పెరగనుంది.
